Nyob rau NorthPoint Health & Wellness, peb koom nrog koj pab kom tsis muaj kev mob kev nkeeg nyob rau hauv North Minneapolis.
Koj thiab koj tsev neeg cia siab tau rau peb cov kws tshuaj kuaj mob los sis kho mob thiab kev pab kom zoo thiab tiav log.
Tuaj Yooj Yim Heev
NorthPoint nyob hauv plawv nroog ntawm North Minneapolis ntawm
1313 Penn Avenue North
Minneapolis, MN 55411
Peb lub tsev tshiab muaj kev mus tau rau cov neeg xiam ooqhab thiab chaw nres tsheb ntau, muaj kev thauj mus los pub dawb rau cov neeg nyob ze ib ncig thiab ncaj kev rau cov neeg uas caij tsheb npav (bus)
Peb kuj ntxiv sijhawm qhib kom pab tau koj zoo dua.Peb cov sijhawm yog:
Vas Cas (Monday: 8:30 A.M. - 5:00 P.M.
Vas Asqhas (Tuesday): Vas 8:30 A.M. - 5:00 P.M.
Phuv (Wednesday): Vas 8:30 A.M. - 7:00 P.M.
Phabhav (Thursday): Vas 8:30 A.M. - 5:00 P.M.
Xuv (Friday): 8:30 A.M. - 5:00 P.M.
Vas Xaum (Saturday): 8:00 A.M. - 12:00 P.M.
Yog tias koj muaj lus nug, thov hu rau:
Txhua Yam Uas Xav Paub: Teem (612) 302-4600
Caij Ntsib Kws Tshuaj Teem Caij (612) 302-4848
Kuaj Hniav: (612) 302-4740
Kev Mob Nyuaj Siab: 612) 302-4747
Kev Pab Neeg Sawvdaws: (612) 348-4783
TDD los sis cov Tsis Hnov Lus: (612) 348-4852
Kev Pab Kuaj Kho Mob
Ua ib tus neeg mob koj muaj cuab kav cia siab rau NorthPoint kev pab
kom tiav log thiab zoo heev. Peb lub chaw kuaj mob muaj ntau ntau yam
kev pab kuaj mob lossis kho mob, xws li:
• Kuaj Mob rau Tsev Neeg
• Kuaj Sab Ntsuab Nrog Cev
• Kuaj Menyuam Yau
• Kuaj Pojniam thiab Cev Xeeb Tub
• Kuaj Cov Menyuam Hluas
• Kuaj Tsoj Tsha thiab Tej Kuas Dej Nyob Hauv Lub Cev
• Kuaj Cov Neeg Uas Laus Heev Lawm
Kev pab kuaj mob lossis kho mob muaj rau (6) hnub txhua asthiv. Li no pab tau koj yooj yim teem sib hawm tuaj ntsib kws kho mob tau li sib hawm koj nyiam. Peb kuj muaj teem sib hawm tuaj ntsib kiag tib hnub
ntawd los tau. Yog muaj yam xav tau kev pab ceev, NorthPoint kuj muaj tus xov tooj hu tau cov kws kho mob 24 teev txhua hnub.
Kev Pab Kuaj Mob los Kho Mob Sab Kev Nyuab Siab thiab Xiam Hlwb
NorthPoint muaj kev pab kuaj/kho mob sab kev mob nyuab siab thiab xiam hlwb rau me nyuam, cov hluas thiab cov laus. Lub hom phiaj ntawm cov kws tshuaj yog pab kom zoo li uas zoo tau los ntawm peb txoj kev txawj, saib taus neeg, muaj kev tau taub thiab tsis muaj kev yuam, thiab fwm txog txhuas haiv neeg kev cai coj.
NorthPoint Kev Kho Mob Sab Kev Nyuab Siab thiab Xiam Hlwb Hlwb kuj muaj kev qhia rau sawv daws txog kev mob sab kev nyuab siab, kev kho thiab kev pab lwm yam, Yam kev pab hais hauv qab no yog yam
peb muaj pab rau hnub Vas Cas txog rau hnub Vas Xuv, 8:00 A.M. - 5:00 P.M.
• Ntsuam Xyuas thiab Kuaj
• Pab Tham Daws Kev Mob Nyuab Siab/Xiam Hlwb
• Pab Tsev Neeg thiab Tej Pab Neeg Daws Kev Mob Nyuab Siab
• Kuaj Kev Mob Nyuab Siab/Xiam Hlwb
• Kev Tswj hwm Muab Tshuaj
Kev Kuaj Hniav
NorthPoint yog ib lub chaw kuaj hniav uas zoo nyob hauv xeev. Cov neeg mob menyuam thiab cov laus puavleej tau txais kev pab yam kaj siab, zoo thiab tus nqi tsis kim. Peb kev pab kuaj hniav muaj xws li:
• Kev Pab Tiv Thaiv
• Kev Pab Kho Kom Rov Zoo Li Qub
• Kev Pab Thaum Xav Tau Kev Pab Sai
• Xoo Duab Hniav
Peb lub tsev kho hniav muaj chaw zoo thiab tej cuabyeej txhim zog pab txawm tias cov neeg mob uas muaj kev nyuab los yeej pab tau yam tsis pub kom muaj phem tsis zoo. Peb cov kws kho hniav muaj kev kawm txawj ntau thiab yuav pab kom txhua tus neeg mob tuaj rau NorthPoint tau txais kev pab yam zoo tshajplaws uas peb muaj. Peb mloog koj tej kev txhawj thiab yuav pab kho hniav majmam thiab ua tib zoo kho.
Lwm Yam Kev Pab
Dua li kev pab kuaj/kho mob, kuaj/kho kaus hniav, kuaj/kho kev mob nyuab siab thiab kev qhia, kuj tseem muaj cov kev pab ntxiv xws li hauv qab no:
• Muaj Neeg Pab Nrog Yug Hais txog teeb meem kev mob nkeeg los sis kev kho mob
• Kuaj Mis (cov pojniam)
• Xoo Faisfab (X-Ray) thiab Xoo Ubtaxauj (ultrasound)
• Kuaj Ntshav (Laboratory)
• Chaw Yuav Tshuaj
• Kuaj Qhov Muag
• Thauj Neeg Taug Kev Mus Los
• Neeg Txhais Lus
Kev Pab Rau Neeg Sawvdaws
NorthPoint pab lub zej zos ntau yam kev pab thiab tsim muaj ntau yam xws li:
• AAMP - African American Men Project (Kev Pab Rau Cov Txiv Neej Asfikas) muaj kev txhawb kom cov txiv neej Asfikas Amelikas muaj cuab kav thiab pab tau lawv tsev neeg.
• WIC - Kev pab qhia tsev neeg noj zaub mov thiab tis thaiv ntawm kev mob kev nkeeg.
• Healthy Start - Muaj kev pab ua ntaub ntawv thiab pab cov pojniam uas xeeb tub kom tsis xob raug teeb meem.
• Client Advocacy - Pab txhua tus neeg yam uas lawv pab tsis tau lawv tus kheej xws li kev pab daws tus neeg uas raug teeb meem loj thiab pab txhais lus.
• CCOE - Qhov no yog pab cov pojniam thiab menyuam ntxhais kom lawv muaj kev noj qab nyob zoo zoo tshaj qub tuaj.
• Housing and Rental Assistance Services - Kev pab kom nrhiav tau tsev nyob nqi pheej yig thiab them taus.
• Financial Counseling - Kev pab tham tswvyim daws teeb meem txog nyiaj txiag rau tus uas siv nyiaj them nqi tag li lawm thiab tsis muaj lwm txoj kev twg uas yuav pab tau ntxiv.
• Food Shelf - Kev pab zaub mov pub dawb rau tam sim los sis ntev mus li tus neeg muaj kev xav tau.
• Oral Health Promotion - Pab qhia kev txhuam hniav nyob rau hauv tsev kawm ntawv thiab tej koom haum pab neeg hauv zos.
• SAGE - Pab kuaj mis thiab pojniam chaw xis seb puas muaj kheexaws pub dawb rau cov poj niam uas txom nyem thiab muaj 40 xyoo rov sauv.
• North High Clinic - Pab kuaj mob los kho mob rau cov tub ntxhais kawm ntawv nyob North High tsis hais kev qhia kev noj qab haus huv, pab tswvyim daws teebmeem, kev mob nyuab siab thiab lwm yam kev pab.
Esawslas thiab Kev Them Nqi
NorthPoint txais cov esawslas kuaj/kho mob thiab kho hniav xws li Medica, HealthPartners, BlueCross BlueShield, Preferred One, Ucare, Medicare, State of MN, Delta Dental thiab Metropolitan Health Plan. Peb yuav ua ntawv them nqi ncaj qhia mus rau koj lub esawslas. Thov hu (612) 302-4800 mus nug seb koj lub esawslas puas yog ib hom esawslas uas muaj nyob rau hauv NorthPoint lawm.
Cov neeg mob uas tsis muaj esawslas peb yuav tsis raug laij mus tsev. Yog koj yog ib tus neeg mob uas muaj nyiaj tsawg, tej zaum peb qhov kev pab luv nqi yuav pab tau koj.
Peb cov neeg ua hauj lwm yuav teb koj cov lus nug thiab pab koj sau npe ua ntawv thov esawslas. Yog tias koj tsis muaj feem tau esawslas pab, peb zoo siab yuav pab koj teem kev them nqi yam li uas koj them taug rau koj qhov kev kuaj/kho mob.
Hennepin Khaubtis tsis xaiv ntsej muag vim yog lwm haiv neeg, nqaij tawv txawv, kev cai dab qhua txawv, noobnyoog, pojniam los txivneej, muaj kev xiam los tsis muaj, muaj poj niam/txiv los tsis muaj, nyiam yam kev ua niam/txiv twg, tau kev pab xoomqhaub, los sis tuaj teb chaw twg tuaj.